Acto en defensa dos Dereitos Humanos en Colombia

Neste acto censurase a política exterior do Goberno de España permisivo coas violacións de Dereitos Humanos que se están a producir en Colombia.

Será o xoves 6 de marzo ás 20.00 na rúa Urzaiz 180, fronte á sede do PSDEG-PSOE. Convocan o acto: Altermundo, Amarante, Caleidoskopio, GAS e Verdegaia.

En Colombia preto de catro millóns de persoas foron desprazadas, na súa maioría polos grupos paramilitares. Estes grupos, sos ou en conxunto con membros das Forzas Militares, fixeron desaparecer polo menos a 15.000 persoas e enterráronos en preto de 3.000 fosas comúns ou arroxaron os seus cadáveres aos ríos; asasinaron a máis de 1.700 indíxenas, 2.550 sindicalistas, e preto de 5.000 membros da UP, un partido de esquerdas que foi eliminado.

Regularmente torturan ás súas vítimas antes de matalas. Entre 1982 e 2005 os paramilitares perpetraron máis de 3.500 masacres, e roubaron máis de seis millóns de hectáreas de terra.

Desde 2002, logo da súa suposta “desmovilización”, os paramilitares asasinaron 600 persoas cada ano. Chegaron a “controlar” o 35% dos deputados do Parlamento. Desde 2002 ata o presente, membros do Exercito Oficial cometeron máis de 950 execucións extraxudiciais.

Tan só en xaneiro de 2008, os paramilitares cometeron 2 masacres, 9 desaparicións forzadas, 8 homicidios, e o Exército cometeu 16 execucións extraxudiciais. En Colombia, axentes do Estado e paramilitares violan os dereitos humanos e cometen crimes de lesa humanidade. Moitos grupos paramilitares non se desmovilizaron. Moitos ex-integrantes de devanditos grupos están en cargos públicos e diplomáticos.

Máis info: www.movimientodevictimas.org