O pasado xoves, día 7 de marzo, ás 20:00, varias decenas de persoas nos concentrábamos nun novo Círculo de Silencio, convocadas pola Rede Social Galicia Sur. Desta vez, parecíanos obrigado vencellar o círculo ao Día da Muller, que se celebraba ao día seguinte en todo o mundo. E por iso quixemos por o foco nas mulleres que defenden o territorio, a terra, aquí e no resto do mundo, fronte á explotación do Capital. O manifesto que se leu ao final do acto comezaba así:
Este 8M, Día Internacional da Muller, queremos visibilizar ás mulleres que defenden os dereitos humanos e o medioambiente en todo o mundo: mulleres que están na primeira liña en loita contra a discriminación e a desigualdade, que traballan pola protección do territorio, o coidado da terra e por un estilo de vida máis sostible: desde as mulleres indíxenas de pobos orixinarios ata as nosas mulleres labregas e que viven no rural, aquí en Vigo e en toda Galicia.
Vivimos nun sistema socioeconómico insostible que xera exclusión, desigualdades, que explota o medioambiente e que invisibiliza as achegas fundamentais que tanto a natureza como as mulleres ofrecen á sustentabilidade da vida.(continúa no manifesto adxunto)
A continuación ofrecemos o manifesto completo e algunhas imaxes do acto:
