Onte as organizacións que conformamos a Rede Social Galicia Sur vímonos na obriga de cancelar o círculo de silencio previsto ante as adversas condicións meteorolóxicas. Como sempre, ía celebrarse o primeiro xoves do mes, o 2 de novembro, ás 20:00, pero desta vez na Praza de América.
Con motivo da recente conmemoración do Día internacional para a erradicación da pobreza, o pasado 17 de outubro, e ante a recente traxedia polo incendio nun edificio de Vigo, queríamos expresar neste círculo de silencio a nosa solidariedade coas vítimas e a nosa denuncia pola crecente desigualdade que está a levar a situacións críticas, insostibles, en moitos lugares do planeta.
Aínda que non puidemos celebrar o círculo de silencio presencialmente, deixamos aquí o manifesto que se ía ler ao final do acto, como testemuña da nosa solidariedade coas vítimas da desigualdade na nosa cidade e en todo o planeta.
