Imos quentando motores para a Romaxe 2023.
Sororidade e terra (solidariedade entre mulleres, irmandade feminina) será o berro que nos congregue na 45.º Romaxe, o día 9 de setembro, na carballeira de Santa Minia de Brión, terras da Amaía, preto de Santiago de Compostela.
Da raíña Lupa á Rosalía de Castro
Por ser territorio de clima benigno, exuberante vexetación e xentes acolledoras, dicían os vellos aquilo de “A Amaía, pasala con día”. Para percorrela admirados, para gozala devagar. Pola súa forte personalidade, alguén alcumou esta terra dos antigos amaeos como “Galicia enteira en grandiosa síntese”. Está regada polo poético río Sar e delimitada, ao norte e oeste, polo maxestoso Tambre. Esténdese ao oeste da cidade de Santiago, camiño do mar e comprende os concellos de Ames e Brión.
[Segue a ler aquí…]