Non podemos vivir con máis do que precisamos. Ese é ou lema que guía o proxecto #asfixia, desenvolvido por «Selvas Amazónicas», entidade dominica sen ánimo de lucro que traballa coas comunidades indíxenas da Amazonía.
Dentro deste proxecto, propúxoselles aos rapaces e rapazas amazónicos que a través de debuxos plasmarán as súas ilusións e como se imaxinaban a súa comunidade de aquí a 30 anos… Actualmente, as 34 mellores obras compoñen unha exposición itinerante de debuxos que están percorrendo varias cidades de España e que estará na nosa parroquia ata principios do mes de xuño.
A mensaxe é contundente: hoxe en día a explotación de recursos naturais está a asfixiar a máis de 300.000 persoas na selva amazónica peruana.
Os nosos hábitos consumistas en Occidente están a asfixiar a vida de moita xente. Bastan algunos datos proporcionados na páxina de #asfixia: en España consúmense por habitante cada día 5,8 litros de petróleo, 12,5 toneladas de terra contaminada, e 3,8 árbores.
A selva amazónica peruana abarca máis de 78.000 hectáreas. Nela viven 300.000 habitantes, repartidos en 1.800 comunidades indíxenas. A minería ilegal, a explotación da madeira e a prospección masiva de hidrocarburos afectan directamente ao 67% da poboación indíxena da selva amazónica peruana. Debido ao uso de tóxicos para extraer ouro, en poboacións como Nai de Deus chegouse a atopar que o 78% dos adultos contiña niveis de mercurio 2,7 veces máis do permitido pola OMS. Nas tres últimas décadas, o 18% da selva amazónica desapareceu debido á actividade humana. Moitas especies víronse afectadas: 40.000 de plantas, 378 de réptiles, 427 de mamíferos, 426 de anfibios, 1.294 de aves, 3.000 de peces.
Se non podedes achegarvos a contemplar esta exposición -¡merece moito a pena!- ou queredes ampliar información sobre a mesma podedes facelo neste enlace de #asfixia. Botádelle un ollo. Atoparedes tamén algúns vídeos coa testemuña de xoves da Amazonía que denuncian a súa situación. Aquí tedes un exemplo, referido á explotación laboral e sexual de mulleres en situación de vulnerabilidade: