A Coordinadora Galega de ONG para o desenvolvemento lanza unha campaña en contra dos recortes que está a sufrir o mundo da cooperación. Así nolo contan:
En dous anos, a Xunta de Galicia reduciu o 48% do orzamento dedicado a cooperación ao desenvolvemento. Estes drásticos recortes están a dinamitar o traballo a prol da loita contra a pobreza que desenvolven as ONGD galegas, xunto coas súas contrapartes socias, e son unha mostra máis de que o goberno galego incumpre, de forma sistemática, os acordos asinados en materia de cooperación: II Plan Director de Cooperación, Plan Anual 2011, Pacto Galego contra a Pobreza…
En outubro cúmprese un ano da sinatura do Pacto Galego contra a Pobreza. Así pois, co obxectivo de denunciar o seu incumprimento e esixir responsabilidades á Xunta de Galicia, dende a Coordinadora Galega de ONGD poñemos en marcha unha campaña de envío de queixas ao Valedor do Pobo.
Cantas máis queixas cheguen, mellor. Demostremos así que somos moitos e moitas as que estamos a favor da xustiza social e a solidariedade entre os pobos; e que formamos parte dunha cidadanía activa que esixen responsabilidades aos seus representantes no goberno.
Como enviar as queixas?
Dende a Coordinadora Galega de ONGD temos elaborado un modelo de carta (vai adxunta neste correo e podedes descargala dende a nosa páxina web) na que só tedes que engadir os vosos datos persoais.
As formas de envío das queixas son varias:
• A través da aplicación web do Valedor do Pobo
• Por correo electrónico a [email protected] / [email protected]
• Por fax: 981 572 335
• Por correo postal: Rúa do Hórreo, 65 – 15700, Compostela (A Coruña)
• En persoa, tamén na Rúa do Horreo, 65.
Axúdanos a difundir esta iniciativa entre a túa familia, amizades, compañeiros e compañeiras de traballo…
I believe this internet site has got some real good information for everyone : D.