A asemblea das Comunidades de Adultos celebrouse este domingo en Vilán. A primeira hora da mañá, máis pendente da climatoloxía, todo eran dúbidas se ir ou non ir a Vilán. Ao final e tras votación decidiuse que si.
Tras o café matinal puxémonos a desenvolver o tema da «Pastoral Xuvenil» que xa viñamos traballando nas diversas Comunidades. Continuamos coa celebración e repaso das novas de última hora como o albergue provisional na Escola de Hostelería e o Centro Cultural.
E xa postos na mesa chegou o momento de compartir a arte culinaria, onde non atopamos nada que fose desagradable ao noso paladar.
O balance da sesión, entre «nubes e claros», como o tempo, foi moi positivo, xurdindo varias propostas obxecto dun estudo e desenvolvemento máis profundo.
Ata a próxima!