Da mata á pota: comercialización campesiña e comercio xusto

Presentamos a versión curta do documental: «Da mata á pota: comercialización campesiña e comercio xusto».

Nos últimos anos as grandes cadeas de supermercados chegaron a controlar de forma dominante a maioría dos espazos de venda de produtos alimentarios e de primeira necesidade. A súa expansión comportou graves problemas tanto nos países do Norte coma nos de Sur. Fronte aos impactos deste modelo, as poboacións de moitas partes do mundo empezaron a organizarse e construír alternativas. Este documental mostra varias experiencias en diferentes partes do mundo que van dirixidas a un mesmo esforzo: democratizar o sistema de produción e distribución de alimentos.