Estamos xa na parte final do curso e cada vez máis preto a chegada das vacacións de verán e con elas os campamentos de Vilán. Este ano os campamentos terán as seguintes datas: os nenos e nenas de 3º, 4º e 5 de primaria irán do 2 ao 9 de xullo e na segunda quenda irán 6º de primaria, 1º e 2º da ESO do 9 ao 16 de xullo.
O prazo de inscrición remata o 18 de xuño e o prezo de cada campamentos é de 60 €
O venres 4 de xuño, ás 8.30 da tarde faremos unha reunión de presentación e información dos campamentos. Asiste a ela se estás pensando enviar aos teus fillos. Mesmo se xa teñen ido te esperamos para que poidas aportar aos demais a túa experiencia.
– Ninguén que queira participar debe deixar de facelo por causas económicas. Esta comunidade atende calquera situación persoal. Soamente hai que dicilo.
– A saída dos autobuses é para todos ás 4.30 da tarde, e o regreso ao redor das 7.00 da tarde.