Outro ano máis, a Parroquia do Cristo da Vitoria, volveu acoller durante a tarde do 5 de xaneiro ás súas Maxestades os Reis Meigos.
Ter a sorte de achegarse, sentar ao seu colo, sentilos e falar con eles é un privilexio que é posible neste día e así o viviron os 200 nenos acompañados dos seus pais, avós,…
Un clima máxico envolveu todo o recinto parroquial. Para a gran festa non faltou a gran chocolatada recén feita, os roscóns e as pastas.
Os máis pequenos foron desfilando para entregar a carta aos RRMM a cambio de bos consellos e un puñado de doces das mans dos paxes. O grupo Rueiro encargouse de amenizar a velada cun rosario de Panxoliñas.
E como sempre, ás 20:00 horas os nosos Reis Meigos despedíronse para comezar a ler as cartas e organizar todo durante a noite máis intensa para eles.
Que a ilusión nunca se perda!
Podedes ver algunhas imaxes na Galería da nosa web