O vindeiro sábado 9 de abril ás 17:00 horas, con motivo das charlas de Coresma, contaremos coa presenza na nosa parroquia de Carme Soto Varela, que compartirá connosco un relatorio titulado “Pero ela dixo…” (Mc 7,28). A salvación contada polas mulleres bíblicas, e un obradoiro posterior.
Carme, viguesa e serva de San José, é licenciada en Historia Contemporánea e doutora en Teoloxía na especialidade de Biblia. Ademais pertence á Asociación de Teólogas Españolas, á Asociación Bíblica Española e ao Consello de Redacción das revistas Encrucillada e Reseña Bíblica. O ano pasado publicou a obra Cuando Dios habla no solo en masculino. La teología feminista.
Agardamos que a charla sexa do voso interese!
