A comunidade celebra o Día da Paz con actividades para todas as idades

Esta fin de semana a nosa comunidade aproveitou para celebrar unha data moi especial: o Día da Paz. E o fixemos en dous momentos.

Pola mañá os nenas e nenas da catequese xunto as súas familias celebraron un festival pola paz. Houbo actuacións de todo tipo e con artistas de diferentes idades, polo escenario pasaron os adolescentes coa súa música, os de poscomuñón cunha representación do mundo a escala, os cativos de comuñón con poesía e os de iniciación con baile e cancións.

Non faltou tamén un video dos nenos de poscomuñón e un conto inspirado na vida da premio Nobel da PAz no 2004: Wangari Maathai. para rematar os asistentes asinaron unha carta dirixida ao presidente do goberno esixindo trocos para facer un mundo en paz.

E polo serán o Comité Óscar Romero convocou un videofórum no que se nos presentou a situación actual de Haití 2 anos despois do terremoto que o destruiu.

Nel proxectáronse dous documentais amosándonos tanto o punto no que se atopa o país como cales son as esperanzas e ilusións do pobo haitiano.

Tamén informouse de como avanza o proxecto de construción de viviendas no que está traballando Verapaz e que tanto dende o COR como dende a parroquia vimos apoiando dende hai algún tempo.

E rematamos convivindo un rato máis ao redor dun chocolate quente e algún biscoito.

Algunhas imaxes neste enlace: www.comunidadebasecoia.org/galerias-de-fotos/?album=1&gallery=44

Os vídeos: http://www.youtube.com/watch?v=Za5Ehjk5wyI e http://vimeo.com/35323669