Sabado 5 de Maio ás 19 horas
Saída das alamedas de Marín e Pontevedra
MARCHA CONTRA CELULOSAS
Porque Pontevedra non pode hipotecar o seu futuro até o 2018…
Porque a mobilización segue a ser necesaria.
Porque a recuperacion da ría, os postos de traballo e a saúde non poden agardar máis…
HOXE ELNOSA, MAÑÁN CELULOSAS!
Sen dúbida atopámos nun dos mellores momentos da loita pola desaparición do complexo ENCE-ELNOSA da nosa
Ría; dunha banda, as administracións implicadas no tema semellan ter apostado nesta dirección, por máis que non sempre o fagan coa decisión que todas e todos nós quixeramos, e doutra, xa ninguén cuestiona a necesidade de eliminar o complexo para recuperar a Ría. De feito, ningunha jforza política que queira ter representación no Consello de Pontevedra é quen de propor a permanencia de CELULOSA E ELNOSA na súa actual ubicación. E isto non é así por casualidade; neste medre da concienciación da cidadanía ten moito que ver a loita que ano tras ano vimos desencolvendo desde a APDR, unha mobilización que hoxe máis que nunca ten que se facer patente para impedir unha volta atrás que non é imposibel.
Hoxe a presenza de ELNOSA en Lourzán ten os días contados; non ten conseguido a preceptiva "Autorización Ambiental Integrada" e -coa lei na man- ten que pór fin á súa actividade industrial en outubro deste ano. E máis pronto que tarde, sairá CELULOSA; e unha e outra terán que deixar Lourizán como estaba cando fixeron ocupación deses terreos. De aí o noso lema para esta nova MARCHA CONTRA CELULOSAS.
PORQUE PONTEVEDRA NON PODE HIPOTECAR O SEU FUTURO ATÉ O 2018…
PORQUE A MOBILIZACIÓN SEGUE A SER NECESARIA.